Нарын облусунда суу менен камсыздоо багытындагы муниципалдык ишканалардын адистери үчүн окутуулар өткөрүлдү
“Нарын облусунда айылдык суу менен камсыз кылуу жана санитарияны өнүктүрүү программасынын (ПРСВСНО)” алкагында муниципалдык ишканалардын адистеринин, ошондой эле жергиликтүү өз алдынча башкаруунун аткаруу органдарынын жана айылдык суу комитеттеринин өкүлдөрүнүн потенциалын жогорулатуу максатында “Бизнес пландоо жана суу менен камсыздоо багытындагы ишканаларды өнүктүрүү” деген темада тренингдер өткөрүлдү.
Бул окутуулар 2024-жылдын 5-августунан 13-августуна чейин Нарын районунун Чет-Нура, Жерге-Тал жана Жан-Булак айыл аймактарында, ошондой эле Ак-Талаа районунун Ала-Буга айыл аймагында өткөрүлдү.
Тренингдин жүрүшүндө катышуучулар бизнес-пландоо, маркетингди пландаштыруу, өндүрүштүк, финансылык пландаштыруу сыяктуу тармактарды камтыган суу менен камсыздоо ишканаларын пландаштыруунун жана өнүктүрүүнүн өзгөчөлүктөрү боюнча маалымат алышты. Мындан тышкары, катышуучулар тобокелдиктерди талдоо жана башкаруу жаатында билим алышты. Тренингдин жүрүшүндө практикалык сабактар өткөрүлдү, анда катышуучулар топтук иштердин жыйынтыгы боюнча өз идеяларын сунуштоо менен теориялык сабактарын бекемдөөгө мүмкүнчүлүк алышты.
Аталган тренингдер Кыргыз Республикасынын Министрлер Кабинети жана Азия өнүктүрүү банкы тарабынан каржыланып, Кыргыз Республикасынын Коомчулукту өнүктүрүү жана инвестициялоо Агентствосу (АРИС) тарабынан ишке ашырылып жаткан “Нарын облусунда айылдык суу менен камсыз кылуу жана санитарияны өнүктүрүү программасынын (ПРСВСНО)” алкагында өткөрүлгөндүгүн эске салабыз. Программанын максаты - Нарын облусунун айылдык калктуу конуштарын таза ичүүчү суу менен камсыздоо жана жакшыртылган санитарияга ишенимдүү жетүүнү камсыз кылуу. Аталган натыйжага жетишүү суу менен камсыздоо жана санитария инфраструктурасын кеңейтүү жана санитардык чечимдерди пилотто, айылды суу менен камсыздоо жана санитария секторунда туруктуулукту жакшыртуу үчүн институционалдык потенциалды чыңдоо сыяктуу акыркы натыйжалар менен камсыз кылынат.
