АРИС жамааттардын демилгеси менен ишке ашырылган өнүктүрүү долбоорлорунун негизги жыйынтыктарын тартуулады

8-октябрда Дүйнөлүк банк тобунун Региондук координатору, мырза Саша Джумена жана долбоордун координатору Майрамбек Баялиев баштаган Коомдоштуктардын демилгеси боюнча улуттук долбоорунун (НПИС) командасы жолугушту. Сапардын негизги максаты – мурда аяктаган жамааттык демилгелер аркылуу ишке ашырылган өнүктүрүү долбоорлорунун негизги жетишкендиктери менен таанышуу болду: Кыргыз Республикасынын Жергиликтүү коомчулуктарын колдоо CASA-1000 долбоорун (ППМС) жана ППМСти Кошумча каржылоо (ДФ ППМС).

М.Э. Баялиев Дүйнөлүк банктын каржылык колдоосу менен ишке ашырылып жаткан Кыргыз Республикасынын Министрлер Кабинетинин долбоорлорун ишке ашыруу процессине бенефициарларды кеңири тартуу үчүн социалдык мобилизациянын маанилүүлүгүн баса белгиледи. Мисалы, ППМС жана ДФ ППМС социалдык мобилизациялоонун салттуу жана онлайн форматтарын бириктирип, коомчулуктун артыкчылыктарын аныктоо үчүн чоңдордун 30 пайызын камтыды.

Жогоруда аталган эки долбоордун алкагында:

77 максаттуу айылдарда электр менен камсыздоону жакшыртуу жана кеңейтүү иштери жүргүзүлдү (электр чыңалуусу 185 вольттан 220 вольтка чейин көтөрүлдү, ал эми аварияларлык өчүрүүлөрдүн саны 76%га кыскарды)

социалдык инфраструктураны жакшыртуу боюнча 328 чакан долбоор ишке ашырылды,

81 экономикалык чакан долбоор (анын ичинде айыл чарба продукциясын кайра иштетүү, тигүү өндүрүшү, туризмди өнүктүрүү ж.б.)

Жолугушууда төмөнкү жыйынтыктар да белгиленди: жергиликтүү өз алдынча башкаруу органдарынын (ЖӨБО) мүмкүнчүлүктөрүн бекемдөө жана алардын жергиликтүү инвестицияларды башкаруу маселелеринде жашоочулар менен өз ара аракеттенүүсүн күчөтүү; жергиликтүү экономиканы өнүктүрүү; жаңы жумуш орундарын түзүү, калктын аялуу катмарынын кирешесин жогорулатуу; аялдардын жана жаштардын социалдык катышуусун камсыздоо; климатка туруктуу технологияларды колдонуу.