Айылдык инвестициялык Долбоору

Айылды инвестициялоо долбоору (ПСИ) – бул Дүйнөлүк банк тарабынан финансыланган жана Кыргыз Республикасынын Өкмөтү тарабынан кош финансыланган, АРИСтин алгачкы жана ийгиликтүү долбоорлорунун бири.

Айылды инвестициялоо долбоорунун негизги максаттары (ПСИ-1, ПСИ-2:)

• айыл жеринде жакырчылыкты кыскартууга көмөк көрсөтүү;

• жергиликтүү коомчулуктарды күчөтүү аркылуу Кыргыз Республикасында мамлекеттик башкарууну борбордон ажыратуу;

• жергиликтүү деңгээлдеги башкарууну жакшыртуу жана потенциалды өнүктүрүү;

• айылдык инфраструктураны жакшыртууга инвестициялык колдоо көрсөтүү;

• топтор тарабынан башарылуучу чакан ишканаларга колдоо көрсөтүү.

Долбоорду ишке ашыруу мезгили:

Айылды инвестициялоо долбоору – 1 (ПСИ-1) –2004 – 2008-жылдар

Айылды инвестициялоо долбоору – 2 (ПСИ-2) – 2009 -2011-жылдар.

Географиялык камтуу: Долбоор Кыргыз Республикасынын бардык 475 айыл округунда (анын ичинде шаарлардын курамына кирген айылдарда) ишке ашырылууда.


Айылды инвестициялоо долбооруна катышуу үчүн коомчулуктарды тандоонун критерийлери

Кыргыз Республикасынын Эмгек жана социалдык коргоо министрлиги тарабынан өтүп жаткан жылдын 1-январына жана 1-июлуна карата алынган абал боюнча берилген социалдык паспорттордун негизинде айыл округдарынын аймактарын өнүктүрүү үчүн АРИС гранттарды берет. Социалдык паспорттордун маалымдамалары жакырчылык боюнча ранжирленет жана финансылоо каражаттары алда канча жарды коомчулуктарга берилет. Алда канча аялуу коомчулуктар аныкталгандан кийин, аларга гранттык каражаттарды бөлүп берүү боюнча иш башталат.

Колдоо көрсөтүлүп жаткан микродолбоолор:

Жергиликтүү керектөөлөргө жооп берген, коомчулуктардын өздөрү тарабынан аныкталган социалдык, коммуналдык, санитардык-экологиялык инфраструктуранын дольбоорлору финансыланат, коомчулуктар демилге көтөргөн, ишке ашырылып жана башкарылып жаткан, алда канча муктаж болгондорду эске алуу менен катышкан коомчулуктарды иш менен камсыз кыла турган долбоорлор, ошондой эле жамаатык топтор тарабынан башкарыла турган, бүткүл коомчулуктун жактыруусуна ээ болгон киреше киргизүүчү микродолбоорлор колдоого алынат.

Долбоордун компоненттери:

1. Коомчулуктун потенциалын жогорулатуу жергиликтүү коомчулуктарды, жергиликтүү өз алдынча башкаруу органдарын, жамааттык уюмдарды жана өкмөттүк эмес уюмдарды социалдык мобилизациялоо, стратегиялык пландаштыруу, микродолбоорлорду ишке ашыруу жана ак ниет башкаруу жагынан окутууну жана колдоо көрсөтүүнү камтып турат. 2003—2009-жылдардагы мезгилде 107 миңден ашык адам окутулган.

• Ушул компонентти ишке ашыруу үчүн бүткүл республика боюнча өнөктүк уюмдардын тармагы түзүлгөн, аларды аймактык айылдык инвестициялык бирикмелер (ТИО жана СИО) билдирип турат;

• Бүткүл республика боюнча АРИСтин 50дөн ашык региондук, облустук жана райондук өкүлчүлүктөрү иштеп жатат, алар зарыл техника жана байланыш каражаттары менен камсыз кылынган;

• АРИСтин ишинин багыттары боюнча атайын окутуудан өткөн АРИСтин жер-жерлердеги кызматкерлери өнөктөрдү окутууда машыктыруучу катары жана коомчулуктар тарабынан микродолбоорлорду түздөн-түз ишке ашырууда консультанттар катары чыгышат;

• Өнөктөрдү окутуунун бардык багыттары боюнча окутуучу модулдар иштелип чыккан жана сыноодон өткөн; билим берүү долбоорлорун координациялоо жана мурда иштелип чыккан окутуу программаларын андан ары өркүндөтүү үчүн АРИСтин Окуу борбору түзүлгөн;

• Калктын социалдык жагынан корголбогон катмарларын ишке алда канча кеңири тартуу үчүн ар бир өзүнчө алынган аймактагы айылдык жаштардын, аялдардын, жакырчылыктын деңгээлинин маалымдамалар базасы түзүлүүдө.

2. Айылды инвестициялоо жергиликтүү коомчулуктардын инвестициялык пландарын ишке ашыруу үчүн гранттарды жана техникалык жардамды билдирет жана алар социалдык жана экономикалык жамааттык инфраструктурага, жергиликтүү коомчулуктун мүчөлөрүнүн топтору ээлик кылган бизнес- ишканаларга бериле турган өлчөмү анчө чоң эмес инвестициялардан турат.

• Ушул компонентти ишке ашыруу үчүн микродолбоорлорду тандап алуунун жана ишке ашыруунун ачык эрежелери жана жол-жоболору иштелип чыккан;

• Микродолбоорлорду ишке ашыруунун техникалык талаптары: техникалык шарттар жана регламенттер иштелип чыкты.

2008-жылдын акырына карата Айылды инвестициялоо долбоорунун (ПСИ) алкагында бүткүл республика боюнча 6411 микродолбоор ишке ашырылган, алардын натыйжасында айылдык тургундардын иш менен камсыз болушу жана кирешесинин деңгээли жогорулады, айылдык инфраструктура жакшырды, жергиликтүү коомчулуктардын деңгээлинде башкаруу жакшырды жана жергиликтүү коомчулуктар тарабынан чечимдерди кабыл алуунун көндүмдөрү өркүндөтүлдү.

Финансылоо:

Айылды инвестициялоо долбоору -1 (ПСИ-1)

Донорлор: Дүйнөлүк банк (Эл аралык өнүктүрүү Ассоциациясы), Япония Өкмөтү

Финансылоонун суммалары:

МАР — АКШнын 15 млн. доллары (грант)

КР Өкмөтү — АКШнын 3 млн. долларына жакын

Япония Өкмөтү — АКШнын 1 млн. 149 миң доллары

Айылды – инвестициялоо долбоору — 2 (ПСИ — 2)

Донорлор: Дүйнөлүк банк (Эл аралык өнүктүрүү Ассоциациясы)

Улуу Британиянын эл аралык өнүктүрүү министрлиги (DFID).

Финансылоонун суммасы:

МАР — АКШнын 15 млн. доллары (грант)

КР Өкмөтү — АКШнын 1 млн. доллары

DFID — 6 млн. 860 миң фунт стерлинг (грант).